Nossa natira.
Nossa basa da viver.
Ina natira sauna e diversa è nossa basa da viver. Ella procura per aria frestga, aua da baiver, l'impollinaziun e terrens fritgaivels. Ella garantescha uschia era noss nutriment.
La biodiversitad è en la crisa
Ma la natira è enormamain sut pressiun – gist en Svizra. In terz da las spezias d'animals e da plantas è svanì u periclità . Il murir acut da las spezias tutga nus umans immediat.
Agir uss empè da spetgar!
Spazis da viver destruids pon vegnir renaturalisads mo cun gronds sforzs. Ina natira intacta è da valita nunstimabla – per nus, noss uffants, noss biadis. Sche nus vulain mantegnair nossas basas da viver, stuain nus ans engaschar ussa per la biodiversitad.
L'iniziativa da la biodiversitad
La Svizra fa memia pauc per mantegnair nossa natira ed uschia nossas basas da viver. Perquai sustegna ina vasta allianza d'organisaziuns per la protecziun da la natira e da l'ambient, da l'agricultura, da la pestga, da la chatscha, dals parcs svizzers e da la protecziun da la cuntrada l'iniziativa da la biodiversitad.
Cifras e fatgs
7'594 km2 spazis da viver occupads da bleras spezias (prads maghers, ognas e palids) èn ids a perder dapi il 1900. Quai correspunda bunamain ad in tschintgavel da l'entira surfatscha da noss pajais!
In terz da tut las spezias d'animals e da plantas en Svizra vala sco periclità u gia svanì.
45% da tut las spezias d'avieuls selvadis en Svizra èn svanids u periclitads.
La mesadad dals spazis da viver restants per animals e plantas è periclitada. En spezial vala quai per territoris umids ed auas.
Ans sustegna cun ina donaziun!
Cun tia donaziun gidas ti da render anc pli vesaivla ed efficazia nossa campagna.
Organisaziuns purtadras
Organisaziuns che sustegnan l'iniziativa
