GEA a l’iniziativa da la biodiversitad
La natira è nossa basa da viver
Nus duvrain la biodiversitad per surviver. Ina natira multifara procura per aua netta, terrens fritgaivels, l'impollinaziun da las plantas e per vivondas saunas. Ed ina natira intacta cun bellas cuntradas fa part da nossa patria.
La biodiversitad en Svizra è en la crisa
Oz è smanatschada var la mesadad dals spazis da viver natirals. Radund in terz da nossas spezias d'animals e da plantas è svanì u periclità . Quai è alarmant e pertutga nus umans directamain. In exempel: senza ils avieuls, las tgirallas ed auters insects na datti nagina impollinaziun e senza impollinaziun naginas vivondas sco coclas, fritgs e legums.
Agir ussa – per noss uffants e noss biadis
Per proteger la biodiversitad stuain nus avair quitĂ dals spazis da viver dals animals e da las plantas. Quai pretenda l'iniziativa da la biodiversitad. Cun in GEA ils 22 da settember 2024 protegin nus quai che nus duvrain. Era per noss uffants e noss biadis.
L'iniziativa da la biodiversitad
La Svizra fa memia pauc per mantegnair nossa natira ed uschia nossas basas da viver. Perquai sustegna ina vasta allianza d'organisaziuns per la protecziun da la natira e da l'ambient, da l'agricultura, da la pestga, dals parcs svizzers e da la protecziun da la cuntrada l'iniziativa da la biodiversitad.
Cifras e fatgs
7'594 km2 spazis da viver occupads da bleras spezias (prads maghers, ognas e palids) èn ids a perder dapi il 1900. Quai correspunda bunamain ad in tschintgavel da l'entira surfatscha da noss pajais!
In terz da tut las spezias d'animals e da plantas en Svizra vala sco periclità u gia svanì.
45% da tut las spezias d'avieuls selvadis en Svizra èn svanids u periclitads.
La mesadad dals spazis da viver restants per animals e plantas è periclitada. En spezial vala quai per territoris umids ed auas.
Ans sustegna cun ina donaziun!
Cun tia donaziun gidas ti da render anc pli vesaivla ed efficazia nossa campagna.
Organisaziuns purtadras
Organisaziuns che sustegnan l'iniziativa
